Türkmenistanyň Türkiýe Respublikasyndaky Ilçihanasy (Ankara şäheri) Türkiýäniň çäginde ýaşaýan Türkmenistanyň raýatlaryny 2012-nji ýylyň 12-nji fewralynda ýerli wagt bilen sagat 08.00-20.00 aralygynda Ankara şäheriniň Koza köçesiniň 28-nji jaýynda Türkmenistanyň Türkiýe Respublikasyndaky Ilçihanasynyň ýanynda döredilen №1-nji saýlaw uçastogynda geçiriljek Türkmenistanyň Prezidentiniň saýlawlaryna gatnaşmaklyga çagyrýar.

Saýlawlara saýlaw geçiriljek gününe çenli 18 ýaşy dolan Türkmenistanyň raýatlary gatnaşyp bilerler. Saýlawlara gatnaşmaga gelen raýatlaryň ýanynda Türkmenistanyň pasporty ýa-da pasportynyň ornuny tutýan resminamasynyň bolmagy hökmanydyr.